លោក Jurgen Klopp អ្នកចាត់ការក្រុម Liverpool បញ្ជាក់ប្រាប់កូនក្រុមថាត្រូវតែធ្វើឱ្យបាន៣ពិន្ទុពីការប្រកួតនៅសល់ទាំងអស់ ទើបមានឱកាសយកពានរង្វាន់លីគកំពូលអង់គ្លេសបាន។ហង្សក្រហមបានយកឈ្នះលើក្រុម Fulham ២-១ កាលពីយប់មិញ ហើយឡើងទៅឈរកំពូលតារាងបណ្ដោះអាសន្ន ស្របពេលក្រុម Man City នៅសល់១ប្រកួតក្នុងដៃ។ ការឡើងមកលើកំពូលតារាងវិញនេះដែរ លោក Klopp បាននិយាយថា៖ “លេខ១ គឺជាកន្លែងដែលល្អបំផុត សម្រាប់យើង។ ប៉ុន្តែ City នឹងមិនបាត់បង់ពិន្ទុច្រើនដូចគ្នានៅប៉ុន្មានប្រកួតនៅសល់ ដូច្នេះហើយយើងត្រូវតែឈ្នះប្រកួតនៅសល់ ទើបមានឱកាសឈ្នះពានបាន”។
ក្រុម Liverpool ខកខានលើកពានរង្វាន់លីគកំពូលអង់គ្លេសនេះ ជាង២០ឆ្នាំមកហើយ។ អ្នកគាំទ្ររំពឹងថាឆ្នាំនេះអាចនឹងឆ្នាំជោគជ័យមួយរបស់ក្រុមហង្សក្រហម លើកពានលីគអង់គ្លេសវិញហើយ៕
ប្រភព៖ DailyMail