Kiko Casilla បានចុះកុងត្រាលេងឱ្យក្រុម Leed United ក្នុងក្របខណ្ឌទី២របស់អង់គ្លេសហើយ កាលពីម្សិលមិញនេះ។
កីឡាករ Real Madrid ខាងលើសម្រេចចាកចេញពីអេស្ប៉ាញជាលើកដំបូងក្នុងអាជីពរបស់គេ ដើម្បីទៅទទួលយកបទពិសោធថ្មីនៅទឹកដីអង់គ្លេស។ នៅលេងនៅ Leeds United នេះដែរ រូបគេមានកុងត្រាដល់ទៅ៤ឆ្នាំកន្លះឯណោះ បើទោះជាបច្ចុប្បន្នរូបគេមានវ័យ៣២ឆ្នាំហើយក៏ដោយ។
Kiko លេងឱ្យ Real Madrid បាន៤៣ប្រកួតដែរ ក្នុងនាមជាអ្នកចាំទីដៃទី២។ ប៉ុន្តែក្រោយពី Thibaut Courtois បានមកដល់នៅរដូវក្ដៅកន្លងទៅ រូបគេបានធ្លាក់ទៅដៃទី៣ទៅហើយ និងមិនមានឱកាសបានចូលលេងទាល់តែសោះ។ ហេតុដូច្នេះ ដើម្បីបានចូលលេងបាល់ទៀត រូបគេត្រូវតែចាកចេញទៅលេងនៅក្លឹបថ្មីមួយទៀត។ ស្របពេល Leeds United នេះកំពុងឈរនៅកំពូលតារាង Championship ទៀតនោះ ពួកគេនឹងមានឱកាសខ្ពស់ក្នុងការបានទៅលេងនៅ Premier League មិនខាននៅរដូវកាលក្រោយ៕ប្រភពDailyMail