Luka Modric មានទំនុកចិត្តថាខ្លួននឹងមានឱកាសឈ្នះពានរង្វាន់ Ballon d’Or នៅឆ្នាំនេះ ដើម្បីបញ្ចប់ការប្រជែងគ្នាតែ២នាក់រវាង Ronaldo និង Messi ។
កីឡាករវ័យ៣៣ឆ្នាំបានជួយជម្រើសជាតិក្រូអាតរបស់ខ្លួនឡើងដល់វគ្គផ្ដាច់ព្រ័ត្រ FIFA World Cup 2018 និងជួយក្រុមអាជីព Real Madrid ឈ្នះពានរង្វាន់ UEFA Champions League បាន៣ឆ្នាំជាប់គ្នា។ ពានរង្វាន់កិត្តិយសនៅឆ្នាំនេះ សឹងតែបានលើ Modric អស់ទៅហើយ នៅឡើយតែ Ballon d’Or ១ទៀតប៉ុណ្ណោះ ដែលមិនទាន់ប្រកាសអ្នកឈ្នះនៅឡើយ។
ចំពោះពានរង្វាន់នេះដែរ អតីតកីឡាករ Spurs ខាងលើបាននិយាយថា៖ “ចាំមើលនឹងមានរឿងអ្វីកើតឡើង។ ខ្ញុំពិតជាមានមោទនភាពក្នុងការប្រជែងយកពាននេះ ប្រសិនបើខ្ញុំឈ្នះ ពិតជាល្អខ្លាំងណាស់។ ផ្ទុយទៅវិញ បើខ្ញុំមិនឈ្នះទេ ឆ្នាំ ២០១៨នៅតែជាឆ្នាំ ល្អបំផុតរបស់ខ្ញុំដដែល”៕ប្រភពDailyMail